Kryeshefi flet për luftën me Greqinë dhe mobilizon divizionet

Në zyrë kishte pllakosur heshtja! Ishte një pothuajse gjëndje lufte e pashpallur. Kryeshefi ishte shumë në humor të keq. E kishin nxehur grekët dhe analistët. Po sidomos analistët dhe ministrat e vet të paaftë dhe me duar të gjata sa më ska.

Kishte thyer të gjithë gjërat të thyeshme në zyrë dhe Fugsi i Vogël, ishte vënë në krye të spastrimeve, me një skuadër speciale që largonte gastaret dhe restauronte gërvishtjet. Fugsi i Vogël, kishte fotografi të përpikta, centimetër katror për centimetër katror, të faqeve të zyrës historike, që restaurimi të ishte perfekt, sepse Kryeshefi kishte një kujtesë figurative të hatashme.
Shefi i skuadrës së restaurimeve ishte një minoritar nga Delvina dhe me gjyshe dropullite dhe stërgjysh cam nga Janina, si edhe stërnip ortodoksësh nga Filati.

- Po me ne çpati Kryeshefi, zoti Fugs? Ai është ortodoksi, pra është greku! Apo pse tani u bë katoliku për ta parë Merkelua me sy të mirë, na mori inat neve? Neve shumë gëzuar ishim kur fitoi kryeminsitrinë ai ortodoks djalë! Ne mbrojtur në Korkyra, kur e përndiqte Sala!
- Shiko punën se Cam je edhe ti! Një Cam mohues, arvanitas je si Pangallos dhe si gjysma e Greqisë që na nxitë jetën dhe s’na ndihmoni! – ia ktheu Fugsi i Vogël, duke mbikqyrur punimet dhe telashet me një kallamar boje që kishte bërë goxha njollë mbi afreskun e preferuar të Kryeshefit.

Mirëpo minoritari nuk dorëzohej lehtë. Ishte supermjeshtër dhe e njihte Kryeshefin që në rini të hershme.

- Po çtë bëjmë ne o shoku? Jemi 7 frymë në familja dhe marrim të gjithë nga 300 evro nga Patridha! 7 herë 300 bëjnë 2100 evro shoku, unë mbaj gjallë me letra edhe stërgjyshët që nuk jetojnë, ti thua! Pastaj Kryeshefi është si Tciprasi mo, i majtë, i përkëdhelur dhe pasha djalë!
Biseda u ndërpre papritmas. Në paradhomë erdhën dy gjeneralë me ministren e hekurt bionde të Luftës dhe Paqes. Ministrja kishte “I pad” me ëar game me vete, ku dhe studionte planet e luftës me gjeneralët me syze të errta, ndërkohë që pritej Komandanti i Përgjithshëm, Kryeshefi dora vetë. Dhe kujto qenin e bëj hazër shkopin, Kryeshefi ja brofi. Hodhi një syckë nga riparimet dhe restaurimet dhe kapi nga qafa minoritarin.

- E mo e pe cfarë i bëra atij Dulsit? Iku në Athinë sot turravrap! I kishin prerë cek të ri ata andej! E bëra me lekë përsëri qerratajin! Hahaha! – e shpotiti ay.

- Pse o Palikari, lojë ishte ajo që bëre bre Pasha?! Eh, e dija unë, ti vdes për Dulsin, po edhe Dulsi vdes për ty! Uaaa, sa bukur që luani ore! – u mallëngjye minoritari me stërgjyshër nga Filati.

- Po këta gjeneralët cne o kumandar? Do kemi luftë largqoftë?

- Nuk e di! Mvaret nga Tciprasi dhe Kociasi! Po ti rrëfeja Asfalisë, që Kryeshefi u takua me gjeneralët dhe me ministren e Luftës dhe të Paqes. Më kupton ti qerratai? Se përndryshe hapet llafi që je me origjinë nga Filati dhe të ikin pensionet e homogjenit! – e kërcënoi butë Kryeshefi dhe u fut në takimin e shtetit me Ministren e hekurt dhe gjeneralët me syze të zeza.
Gjeneralët u ngritën në këmbë dhe nderuan komandantin. Ministrja e mbajti pak të qeshurën dhe ndezi sytë e saj blu, që e ëma ia kish rrëmbyer ndonjë skifteri.

- Na duhet një plan mbrojtje dhe një plan sulmi! Të përforcohet në mënyrë të dukshme kufiri me Eladhën. Të gërmohen llogore dhe të lëvizin divizionet! Tanket dhe autoblindat të ngrenë pluhur! Të zenë vend raketat tokë-tokë! – urdhëroi si në një film kolosal Kryeshefi.

- Si urdhëron! Por, ka një problem! Ne jemi më shumë gjeneralë dhe oficerë se sa ushtarë! Tanke skemi se i bëmë skrap. Divizione skemi se jemi pjesë e Nato-s! Migët kinezë i cuam për skrap edhe ata! – raportoi Gjenerali i Parë.

- Por, mund të shpallim një mobilizim të përgjithshëm! Por nuk kemi nje skemë të Mobilizimit të përgjitshëm, ato të kohës së vjetër nuk hyjnë më në punë, se skemi më të njejtat adresa dhe kanë kaluar 26 vjet! – tha Gjenerali i Dytë me kokën mënjanën nga dhimbja.

- Dikur Athina dridhej nga ne, Kryeshef! Mehmet Shehu i kërcënoi njëherë, që për 7 orë mbrrijmë Athinën me tanket tona! Dhe ata u drodhën! Kishim dhe raketa atëhere, po tani skemi! – shtoi Ministrja me ironinë që i dridhej mbi buzë.
Kryeshefi tundi kokën e madhe dhe të rëndë. Pastaj krruajti pak hundën, veprim që e ndihmonte për të menduar gjëra të rëndësishme.

- Unë e di që skemi as ushtri toke, as aeroplanë, as raketa dhe as flotë detare luftarake! Aleatët na kanë carmatosur se jemi të papërgjegjshëm. Por kemi shpirt luftarak! Dërgoni ca skuadra me pushkë dhe kallashë të rezervës, të kompanisë antiterror dhe ca nga cunat e Sajmes me uniformë jeshile! Uniforma keni?

- Po Komandant! Uniforma dhe këpucë me gambale, kemi. I shtojmë dhe ca maska antigaz për dekor. Po nuk dolën pushkët dhe kallashët model 56, kemi pushkë druri mësimore, i lyejmë mirë e bukur dhe bëjmë një divizion me uniforma dhe pushkë druri. Ata grekët do të na fotografojnë nga ajri dhe do të tmerrohen! Sepse një ushtar shqiptar, vlen në betejë sa 10 ushtarë grekë! – i dha gaz Gjenerali i Parë.
Kryeshefi u gëzua nga përgjigja. Ky Gjenerali i kishtë pëlqyer gjithmonë, sepse më shumë se shkollë ushtarake, kishte studiuar për koleksionist arti dhe pullash.

- Është Lojë, por një lojë e bërë bukur, vlen më shumë se sa një luftë! Pastaj unë po nisem për në Kinë, hapni fjalë që do të porosis armë andej! Dhe që Erdogu nga Ankaraja do më sjellë tanke Leopard dhe gjuajtës F25, të reja nga kutia. Si edhe shumë instruktorë të vëllazërisë stambollase! Dhe kështu fitojmë zgjedhjet në 2017, edhe pa Lsi edhe pa njeri tjetër nëpër këmbë! Apo jo, zonja ministre?

Ministrja tundi kokën në shenjë aprovimi. Kryeshefi u rikthye në zyrë dhe hapi konjak të shtrenjtë dhe zuri të pijë më Jorgo djalin, minoritar nga Filati, për shtatë palë qejfe.

Lufta ishte në prag! Dhe ai ishtë në prag të fitores. Sigurisht jo në Athinën e largët, por në Tiranë.

Besoni te ushqimet që bleni? Ushqehemi apo helmohemi?

TË FUNDIT

Blendi Fevziu: Më ofruan valixhen plot me para sepse...

Blendi Fevziu: Më ofruan valixhen plot me para sepse...

Blendi Fevziu është ndër figurat e orës së par&eu...

Edi Ramës i nxjerrin “vajzën romantike”

Edi Ramës i nxjerrin “vajzën romantike”

Që kryeministri shqiptar është piktor kjo dihet, por sot n&...

Kosova në zgjedhje, kush pritet të fitojë e të humbasë

Kosova në zgjedhje, kush pritet të fitojë e të humbasë

Mbi 1.8 milion qytetarë të Kosovës do t’i drejtohen k...

Deputeti Balliu: Emri Tahirit si trafikant, vetëm na kujton Ramën si bos të drogës

Deputeti Balliu: Emri Tahirit si trafikant, vetëm na kujton …

Klevis Balliu, Deputet i Partisë Demokratike, përfaqësues i...

Deputeti Balliu: Rezultati i zgjedhjeve në Shqipëri vendoset në Katania

Deputeti Balliu: Rezultati i zgjedhjeve në Shqipëri vendoset…

Deputeti i Partisë Demokratike, Klevis Balliu përmes një po...

LSI, Braimllari deklaratë të fortë: Ja kush e përdori ish- ministrin Saimir Tahirin

LSI, Braimllari deklaratë të fortë: Ja kush e përdori ish- m…

  Flet Sekretari i Përgjithshëm i Lëvizjes Socialiste...

Sali Berisha: Ja e vërteta e drekës së Ramës

Sali Berisha: Ja e vërteta e drekës së Ramës

Ish-kryeministri Sali Berisha, ka postuar një foto në faqen e ve...

Ndërhyn Erion Braçe: I fituam me burra dhe...

Ndërhyn Erion Braçe: I fituam me burra dhe...

Në kulmin e debatit për përfshirjen e segmenteve të kr...

Patozi ‘letër’ partnerëve: Mos u çudisni kur që qeveria t’ju urrejë fort, kurse opozita t’ju marrë inat për vdekje

Patozi ‘letër’ partnerëve: Mos u çudisni kur që qeveria t’ju…

Ish-deputeti i PD-së Astrit Patozi ka ironizuar situatën politik...

Video/ Momenti i tmerrshëm kur basketbollisti thyen kyçin e këmbës gjatë ndeshjes

Video/ Momenti i tmerrshëm kur basketbollisti thyen kyçin e …

Fati nuk ka qenë me basketbollistin profesionist Gordon Hayward ...

Italianët: Habilajt lidhen Saimir Tahirin me Klemend Balilin

Italianët: Habilajt lidhen Saimir Tahirin me Klemend Balilin

Grupi i Habilajve ka pasur lidhje me rrjetin e Klement Balilit, një t...

Video/ Mënyra e veçantë që nuk e dinit sesi portierët stërvitin reflekset e tyre

Video/ Mënyra e veçantë që nuk e dinit sesi portierët stërvi…

Një teknik e re stërvitje për portierët sapo ësht...

Balliu: Front opozitar kundër Frontit Kriminal të qeverisë Rama

Balliu: Front opozitar kundër Frontit Kriminal të qeverisë R…

Nga Klevis BalliuSi nje nga mbeshtetesit e pare te krijimit te nje fronti ...

Lamtumirë Rama! Ike me turp nga kjo punë

Lamtumirë Rama! Ike me turp nga kjo punë

Nga Spartak Ngjela Lamtumirë Rama!Ike me turp nga kjo punë.Dy h...

"Edi Rama nuk shpëton dot më. E di e gjithë bota lidhjen e tij me krimin"

"Edi Rama nuk shpëton dot më. E di e gjithë bota lidhje…

"Edi Rama nuk shpëton dot më, e gjithë bota e di lidhjen e ...

Implikimi i Saimir Tahirit në përgjimet e drogës, Petrit Vasili: Do të ketë protesta në kohën e duhur

Implikimi i Saimir Tahirit në përgjimet e drogës, Petrit Vas…

Kryetari i grupit parlamentar i lëvizjes Socialiste për Integrim...

Lexo më shumë ...

×